Hopp til innhold

Opera ved fjorden - Sommaropera

Kjøp billetter

Opera ved fjorden - Sommaropera

Spilleperiode

30. juni 2024

Sted

Oseana kunst- og kultursenter

Spilletid

2 timer og 50 minutter inkl. pause

Billetter

100 - 200

For 4. året på rad inviterer Bergen Nasjonale Opera til finalekonserten på sommarakademiet Opera ved fjorden. Studentane byr på eigne favorittariar, og høgdepunkt frå Rhingullet av Wagner.

Møt unge songarar, orkestermusikarar og dirigentar som ivrar etter å presentere seg sjølve i starten av karrieren! Kanskje er det morgondagens stjerner du møter for første gong?

Denne gongen står høgdepunkt frå Rhingullet av Wagner på programmet, i ei scenisk framføring. I tillegg får du høyre ei rekkje vakre ariar. Rundt 20 songarar skal vere i sving på scenen. Solistane får følgje av årets akademiorkester, med 27 unge musikarar som spelar saman med proffe gruppeleiarar frå leiande symfoni- og operaorkester i Skandinavia og Austerrike. Konsertmeisteren er Maxim Brilinsky, til dagleg 1. fiolinist i Wiener Philharmoniker.

Dirigentstudentane får også prøve seg i aksjon framfor orkesteret, godt guida av operasjef Eivind Gullberg Jensen i lag med dirigentkollegaen Sascha Goetzel frå Wien.

Ivar Tindberg er regissør for Rhingullet, og Solveig Kringlebotn er også i år med som ein av dei framståande vokalpedagogane. Ny som lærar i år er den tyske bass-barytonen Albert Dohmen, som er ein kjend tolkar av fleire Wagner-roller, m.a. på festivalen i Bayreuth.

Avslutningskonserten varer ca. 2 1/2 time, inkludert 30 min. pause

KVA ER SOMMARAKADEMIET? 

Sommarakademiet Opera ved fjorden 22. juni - 30. juni 2024 rettar seg mot unge songarar, orkestermusikarar, repetitørar og dirigentar over 18 år som er under utdanning, eller som nyleg er ferdigutdanna. Deltakarane får arbeide med dyktige pedagogar, coachar og dirigentar - alle med erfaring frå store operahus og symfoniorkester.

Fotokavalkaden er frå Sommarakademiet i 2021, 2022 og 2023:

KUNSTNARLEG TEAM 2024

Kunstnarleg leiing: 
Eivind Gullberg Jensen, operasjef for Bergen Nasjonale Opera og sjefdirigent for Noord Nederlands Orkest 
Sascha Goetzel, kunstnarleg leiar for Orchestre National des Pays de la Loire og National Youth Orchestra of Canada, og første gjestedirigent for Sofia Filharmoniske Orkester 

Vokalpedagogar:
Solveig Kringlebotn, sopran og professor i song ved Operahøgskolen og Barratt Due Musikkinstitutt i Oslo 
Albert Dohmen
, bass-baryton frå Tyskland, m.a. kjend for Ringen-rollene Wotan, Alberich og Hagen ved Bayreuth-festivalen  
Kristin Okerlund, pianist og vocal coach frå Wiener Staatsoper 
Hans-Otto Ehrström
, pianist og vocal coach frå Finlands nasjonalopera i Helsinki  

Regissør: 
Ivar Tindberg, regissør, tekstforfattar, dramaturg og komponist 

Orkesterpedagogar/gruppeleiarar:  
Stryk:
1. fiolin: Maxim Brilinsky, gruppeleiar 1. fiolin, Wiener Philharmoniker 
2. fiolin:Lucas Takeshi Stratmann, gruppeleiar 2. fiolin, Wiener Staatsoper 
Bratsj: James Opie, alt. gruppeleiar bratsj, Kungliga Hovkapellet (Operan) i Stockholm 
Cello: Erik Wahlgren, solocellist i Kungliga Hovkapellet (Operan) i Stockholm
Kontrabass: Patrick Wilder, alt. solokontrabassist i Operaorkesteret, Den Norske Opera & Ballett 
Treblås:
Karl-Heinz Schütz
, solofløytist Wiener Philharmoniker 
Audun Halvorsen
, solofagottist i Danmarks Radio Symfoniorkester i København,
Messing:  
José Luis Cortell
, hornist. Alternerande gruppeleiar, operaorkesteret ved Finlands nasjonalopera i Helsinki   
Pauker og slagverk:
Manuel Hofstätter*, paukist i Bergen Filharmoniske Orkester 

 *Hofstätter er gjestemusikar, og ikkje orkesterpedagog på akademiet


Opera ved fjorden - Sommarakademi blir arrangert av Bergen Nasjonale Opera i samarbeid med Oseana kunst- og kultursenter, og er støtta av Grieg Foundation, Sparebankstiftelsen DnB, Talent Norge, Vestland fylkeskommune, Sparebank1 SR-Bank og SR-stiftelsen og GC Rieber Fondene.

Relaterte nyheter

OVF23 Akademiorkesteret

«Verdensmestere» til Os

Sommerakademiet Opera ved fjorden har et stjernelag, som både studentene og publikum får nyte godt av.

Rhingullet

Kva skjer i Rhingullet på Oseana?

Skal du vere med på sommaroperaen søndag 30. juni? Her får du vite kva som skjer i Rhingullet – og bli betre kjend med guden Wotan og dei andre rollene i denne kompakte versjonen av Wagners opera.

Samtlige spilledatoer


30/06 Søndag 18.00
Oseana kunst- og kultursenter, Os Kjøp billetter
Kjøp billetter