Hopp til innhold

Hans-Otto Ehrström

Den finske pianisten Hans-Otto Ehrström kjem tilbake til Opera ved fjorden for å coache unge akademistar også sommaren 2024.

Hans-Otto Ehrström studerte ved Sibelius-akademiet og ved konservatoriet i Lyon.

I årene 1998–2000 var Ehrström repetitør ved Operastudioet i Zürich, og han er no repetitør og vocal coach ved Finlands nasjonalopera i Helsinki, der han også har vore assistentdirigent sidan 2000.

Ehrström er også aktiv som solist og kammermusikar, og har turnert rundt om i Europa, og også i land som Russland, Israel og Japan. Han har også gjort ei rekkje innspelingar, og opptrådd på radio og tv.

Hans-Otto Ehrström var ein del av det kunstnarlege teamet sommarakademiet Opera ved fjorden både i 2022 og i 2023, og er i 2024 dermed tilbake for tredje år på rad.

Oppdatert januar 2024