Møt unge songarar, orkestermusikarar og dirigentar som ivrar etter å presentere seg sjølve i starten av karrieren! Kanskje er det morgondagens stjerner du møter for første gong?

På avslutningskonserten står høgdepunkt frå Wagners storslegne opera Valkyrien på programmet, i ei scenisk framføring. I tillegg får du høyre ei rekkje vakre ariar. Dei 14 songarane får følgje av årets akademiorkester, med 34 unge musikarar som spelar saman med proffe gruppeleiarar frå leiande symfoni- og operaorkester i Skandinavia og Austerrike. Konsertmeisteren er Maxim Brilinsky, til dagleg 1. fiolinist i Wiener Philharmoniker.

Dei fire dirigentstudentane får også prøve seg i aksjon framfor orkesteret, godt guida i forkant av operasjef Eivind Gullberg Jensen og dirigentkollegaen Sascha Goetzel.

Du får altså oppleve dei unge operatalenta, etter intense øvingsdagar med blant andre Solveig Kringlebotn, Peter Mattei og Albert Dohmen som lærarar. Ivar Tindberg er regissør for 1. akt av Valkyrien.

Avslutningskonserten varer ca. 2 timar og 45 minutt, inkludert 30 minutt pause.

KONSERTPROGRAM SØNDAG 29. JUNI 2025
– med atterhald om endringar –

Ludwig van Beethoven
Fidelio: Ouverture
Akademiorkesteret

Charles Gounod
Roméo et Juliette: Je veux vivre
Emilia Utter (sopran)

Charles Gounod
Roméo et Juliette: Ah! Lève-toi, soleil!
Magnus Løvlie (tenor)

Gioachino Rossini
Il barbiere di Siviglia: Una voce poco fa
Maia Reppe (mezzosopran)

Gaetano Donizetti
Don Pasquale: Bella siccome un angelo
Gustav Francis Stevens George (baryton)

Gaetano Donizetti
Don Pasquale: Quel guardo il cavaliere
Oda Nysæter (sopran)

Wolfgang Amadeus Mozart
Le nozze di Figaro: Hai gia vinta la causa
Sakarias Fredriksen Tranvåg (baryton)

Jean-Philippe Rameau
Platée: Air de la Folie
Alva Olsson (sopran)

Giacomo Puccini
La bohème: Donde lieta
Íris Björk Gunnarsdóttir (sopran)

Giacomo Puccini
La bohème: Quando m’en vo
Sofia Nesje Enger (sopran)

Erich Wolfgang Korngold
Die tote Stadt: Mein Sehnen, mein Wähnen
Akseli Mattila (baryton)

Richard Strauss
Die schweigsame Frau: Wie schön ist doch die Musik
Johannes Nikolai Aas (bass)

PAUSE 30 MINUTT

Richard Wagner:
Valkyrien (Die Walküre) – 1. akt
Les om handlinga her – lenke

solistar:
Siegmund – tenor Robert Skovly
Sieglinde – sopran Hedvig Haugerud
Hunding – bass Jacob Abel

KVA ER SOMMARAKADEMIET? 

Sommarakademiet Opera ved fjorden 21. - 29. juni 2025 rettar seg mot unge songarar, orkestermusikarar, repetitørar og dirigentar over 18 år som er under utdanning, eller som nyleg er ferdigutdanna. Deltakarane får arbeide med dyktige pedagogar, coachar og dirigentar - alle med erfaring frå store operahus og symfoniorkester.

Fotokavalkaden er frå Sommarakademiet i 2021, 2022 og 2023:

KUNSTNARLEG TEAM 2025
Kunstnarleg leiing: 
Eivind Gullberg Jensen, operasjef for Bergen Nasjonale Opera og sjefdirigent for Noord Nederlands Orkest 
Sascha Goetzel, kunstnarleg leiar for Orchestre National des Pays de la Loire og National Youth Orchestra of Canada, og første gjestedirigent for Sofia Filharmoniske Orkester 

Regiteam:
Ivar Tindberg, regissør, tekstforfattar, dramaturg og komponist 
Ann-Terese Aasen, regiassistent, koreograf og regissør

Kostymedesign:
Cathrine Ahlsen, kostymesjef ved Bergen Nasjonale Opera

Vokalpedagogar: 
Solveig Kringlebotn, sopran og professor i song ved Operahøgskolen og Barratt Due Musikkinstitutt i Oslo 
Peter Mattei, baryton frå Sverige, m.a. kjend frå tittelrollene i Don Giovanni og Wozzeck ved The Met
Albert Dohmen, bass-baryton frå Tyskland, m.a. kjend for Ringen-rollene Wotan, Alberich og Hagen i Bayreuth
Vocal coaches:
Kristin Okerlund, pianist og vocal coach frå Wiener Staatsoper 
Hans-Otto Ehrström, pianist og vocal coach frå Wiener Staatsoper

Orkesterpedagogar/gruppeleiarar:  
Stryk: 
1. fiolin: Maxim Brilinsky, gruppeleiar 1. fiolin, Wiener Philharmoniker 
2. fiolin:  Lucas Takeshi Stratmann, gruppeleiar 2. fiolin, Wiener Staatsoper
Bratsj: James Opie, alt. gruppeleiar bratsj, Kungliga Hovkapellet (Operan) i Stockholm 
Cello: Erik Wahlgren, solocellist i Kungliga Hovkapellet (Operan) i Stockholm
Kontrabass: Patrick Wilder, alt. solokontrabassist i Operaorkesteret, Den Norske Opera & Ballett 
Treblås: 
Karl-Heinz Schütz, solofløytist, Wiener Philharmoniker
Audun Halvorsen, solofagottist i DR Symfoniorkestret i København
Messing: Rune Brodahl, solohornist i Operaorkesteret, Den Norske Opera & Ballet
Pauker og slagverk:
Manuel Hofstätter*, paukist i Bergen Filharmoniske Orkester 

 *Hofstätter er gjestemusikar, og ikkje orkesterpedagog på akademiet

Opera ved fjorden - Sommarakademi blir arrangert av Bergen Nasjonale Opera i samarbeid med Oseana kunst- og kultursenter, og er støtta av Grieg Foundation, Sparebankstiftelsen DnB, Talent Norge, Vestland fylkeskommune, Sparebank1 SR-Bank og SR-stiftelsen og GC Rieber Fondene.