Denne torsdagen får du høyre både vakre ariar og ei scenisk framføring av høgdepunkt frå Don Giovanni av Mozart og ei nydeleg scene frå evigunge Hans og Grete av Humperdinck.

Dei 14 songarane får følgje av årets akademiorkester, med 33 unge musikarar som spelar saman med proffe gruppeleiarar frå leiande symfoni- og operaorkester i Norden og Austerrike. Konsertmeisteren er Maxim Brilinsky, til dagleg 1. fiolinist i Wiener Philharmoniker.

Dei fire dirigentstudentane får også prøve seg i aksjon framfor orkesteret, godt guida i forkant av operasjef Eivind Gullberg Jensen og dirigentkollegaen Sascha Goetzel.

Du får altså oppleve dei unge operatalenta, etter intense øvingsdagar med blant andre Solveig Kringlebotn, Peter Mattei og Albert Dohmen som lærarar. Ivar Tindberg er regissør for utdraga frå Don Giovanni og Hans og Grete.

Torsdagskonserten varer ca. 2 timar og 20 minutt, inkludert 30 minutt pause.

Rullestolplass og ledsager-billett
Eit avgrensa tal rullestolplassar og ledsager-billettar kan kjøpast i resepsjonen eller ved å kontakte Oseana på telefon:
917 50 231 / e-post: resepsjon@oseana.no

Videoen nedanfor:
Her høyrer du sopranen Annika Beinnes synge Je veux vivre av Charles Gounod på Opera ved fjorden sommarakademi 2022, dirigert av akademisten Rasmus Hella Mikkelsen.

KVA ER SOMMARAKADEMIET?
Sommarakademiet Opera ved fjorden 21. - 29. juni 2025 rettar seg mot unge songarar, orkestermusikarar, repetitørar og dirigentar over 18 år som er under utdanning, eller som nyleg er ferdigutdanna. Deltakarane får arbeide med dyktige pedagogar, coachar og dirigentar - alle med erfaring frå store operahus og symfoniorkester.

Fotokavalkade frå Opera ved fjorden - Sommarakademi 2021- 2023:

Opera ved fjorden - Sommarakademi blir arrangert av Bergen Nasjonale Opera i samarbeid med Oseana kunst- og kultursenter, og er støtta av Grieg Foundation, Sparebankstiftelsen DnB, Talent Norge, Vestland fylkeskommune, Sparebank1 SR-Bank og SR-stiftelsen og GC Rieber Fondene.