Møt unge songarar, orkestermusikarar og dirigentar som ivrar etter å presentere seg sjølve i starten av karrieren! Kanskje er det morgondagens stjerner du møter for første gong?

Dei byr på ulike perler frå operaverda, pluss heile den komiske einaktaren Gianni Schicchi av Puccini med Ivar Tindberg som regissør. 13 songarar frå inn- og utland skal vere med på scenen, og i årets akademiorkester skal rundt 25 unge instrumentalistar få spele saman med 9 profesjonelle, som også fungerer som gruppeleiarar. Tre ulike dirigentstudentar skal også i aksjon.

KVA ER SOMMARAKADEMIET?
Sommarakademiet Opera ved fjorden 25. juni - 2. juli 2022 rettar seg mot unge songarar og musikarar over 18 år som er under utdanning, eller som nyleg er ferdigutdanna. Deltakarane får arbeide med dyktige pedagogar, coachar og dirigentar - alle med erfaring frå store operahus og symfoniorkester. Nytt av året er at også to unge repetitørar er med som akademistar, for å få erfaring i å akkompagnere operasongarar.

Fotokavalkaden er frå fjorårets Sommarakademi (2021):

KUNSTNERISK TEAM & LÆRARAR 2022

Kunstnerisk leiing:
Eivind Gullberg Jensen, operasjef for Bergen Nasjonale Opera og sjefdirigent for Noord Nederlands Orkest
Sascha Goetzel, påtroppande kunstnerisk leiar for Orchestre National des Pays de la Loire og National Youth Orchestra of Canada, og første gjestedirigent for Sofia Filharmoniske Orkester

Regissør:
Ivar Tindberg, regissør, tekstforfattar, dramaturg og komponist

Vokalpedagogar:
Solveig Kringlebotn, sopran og professor i song ved Operahøgskolen og Barratt Due Musikkinstitutt i Oslo
Michael Schade, tenor og professor ved Universität für Musik und darstellende Kunst i Wien
Kristin Okerlund, pianist og vocal coach frå Wiener Staatsoper
Hans-Otto Ehrström, pianist og vocal coach frå Finlands nasjonalopera i Helsinki

Orkesterpedagogar:
1. fiolin: Lars Bjørnkjær, konsertmeister i Det Kongelige Kapel i København.
2. fiolin: Alexander Chojecki, gruppeleier 2. fiolin, GöteborgsOperan
Bratsj: James Opie, alt. gruppeleiar bratsj, Kungliga Hovkapellet (Operan) i Stockholm
Cello: Kati Raitinen, solocellist, Kungliga Hovkapellet (Operan) i Stockholm
Kontrabass: Patrick Wilder, alt. solokontrabassist i Operaorkesteret, Den Norske Opera & Ballett
Treblås:
Karl-Heinz Schütz, solofløytist Wiener Philharmoniker
Steffen Blindheim, oboist i Malmö SymfoniOrkester
Messing:
Rune Brodahl, solohornist i Operaorkesteret, Den Norske Opera & Ballett
Pauker: Manuel Hofstätter, paukist i Bergen Filharmoniske Orkester

Opera ved fjorden - Sommarakademi blir arrangert av Bergen Nasjonale Opera i samarbeid med Oseana kunst- og kultursenter, og er støtta av Grieg Foundation, Sparebankstiftelsen DnB, Talent Norge, Sparebankstiftelsen Sparebanken Vest og GC Rieber Fondene.