Louise Engeseth

Louise Engeseth (f. desember 2000) frå Volda på Sunnmøre fullførte 4-årig Bachelor i utøvande klassisk song ved Griegakademiet i Bergen med Hilde Haraldsen Sveen våren 2023, og studerer no vidare til Master ved Musikkhøgskolen i Oslo med Ann-Helen Moen, der ho starta hausten 2023. I tillegg er ho ein av dei fem som vart vald ut til vere med i det nye mentorprogrammet Operaakademiet 2023/24 i regi av QSSR (Dronning Sonja-konkurransen), for unge songarar under 25 år.

Engeseth har lang erfaring som konsertsongar, og allereie i 2018 var ho solist i operaen Kimen av Magnar Åm, bygd på romanen Kimen av Tarjei Vesaas. Under Festspillene i Bergen i 2023 deltok ho i Meisterklassa med Lise Davidsen, og same sommar song ho rolla som Susanna i Figaros bryllaup av W. A. Mozart på operaakademiet i Saluzzo i Italia. I januar 2024 mottok ho Kappelborg Skagen talentpris, då ho deltok på nyttårskonsertane med det Jydske Underholdningsorkester på Kappelborg i Skagen.

I oktober har ho rolla som Barbarina i Figaros bryllaup ved Opera Nordfjord.

Publisert april 2024