Christina Jønsi

Mezzosopranen Christina Jønsi er fødd og oppvaksen i Skien. Ho starta songstudiane ved Griegakademiet i Bergen i 2014, og fullførte masteren sin i opera ved Kunsthøgskolen i Oslo i 2021, ved Solveig Kringlebotn.

Christina Jønsi var solistpraktikant ved Den Norske Opera & Ballett sesongen 2021/22. Der song ho roller som m.a. 2. Magd i Elektra, Juno i Orfeus i underverdenen, Mercédès i Carmen, Pastorkyňa (gjetarjenta) i Jenůfa, og Ursula i den kritikarroste ungdomsoperaen Ingenting.

I februar 2024 husdebuterte ho ved Operaen i Kristiansund, i rolla som Magdelone, i Den Stundesløse av Edvard Fliflet Bræin. Ho har også sunge 2. dame i ein forkorta versjon av Tryllefløyten på Kirsten Flagstad-festivalen, og delteke i Puccinis La bohème ved Opera Østfold Ho har også gjort ein mindre konsertturné med Stefan Ibsen Zlatanos og Alexander Rybak.

Christina Jønsi vart utvald som akademist ved sommarakademiet vårt Opera ved fjorden både i 2022 og 2024. I 2022 song ho rolla som Zeta i einaktaren Gianni Schicchi av Puccini, og i 2024 var ho Flosshilde, ein av dei tre Rhindøtrene, i utdraget frå Rhingullet av Wagner.

I januar og februar i år (2025) rolledebuterer Jønsi som Hans, i operaen Hans og Grete ved Den Norske Opera & Ballett, når versjonen ved regissør Alexander Mørk-Eidem blir sett opp igjen der.

Hovudkjelde: Den Norske Opera & Ballett

Publisert januar 2025