Bergen Nasjonale Opera Bergen Nasjonale Opera
en no

Fiolinist frå verdskjend orkester til Sommarakademiet!

1. fiolinisten Maxim Brilinsky frå Wiener Philharmoniker, eitt av verdas beste symfoniorkester, har takka ja til å kome til Opera ved fjorden sumarakademi for å vere konsertmeister i juni 2023!

– Eg gler meg veldig til Opera ved fjorden, der dei store musikalske meisterverka kan klinge i usedvanleg vakre omgjevnader. Det blir ei heilt spesiell oppleving, seier Brilinsky om rolla som konsertmeister på sumarakademiet.

I spissen for verdas kanskje beste orkester
Brilinsky er fødd i Lviv i Ukraina, og flytta seinare til Wien og Paris for å studere. Sidan 2014 har han vore gruppeleiar for 1. fiolin i Wiener Philharmoniker, som vert rekna som eit av verdas aller beste orkester. Du såg kanskje Brilinsky i aksjon på NRK i nyttårskonserten frå Wien, som sidan 1965 har blitt direktesendt på TV over heile verda.

I sommar kan 25 unge orkestermusikarar gle seg til å lære frå og spele i lag med ein av dei beste fiolinistane i Europa, som også har gitt ut fleire solo-CDar.

Sterke lærerkrefter
Brilinsky blir del av eit allereie svært sterkt lag av pedagogar, coachar, orkestermusikarar og dirigentar - alle med erfaring frå store operahus eller symfoniorkester i Norden og Austerrike:

Kunstnerisk leiing:

Eivind Gullberg Jensen, operasjef for Bergen Nasjonale Opera og sjefdirigent for Noord Nederlands Orkest 

Sascha Goetzel, kunstnerisk leiar for Orchestre National des Pays de la Loire og National Youth Orchestra of Canada, og første gjestedirigent for Sofia Filharmoniske Orkester

Vokalpedagogar:
Solveig Kringlebotn, sopran og professor i song ved Operahøgskolen og Barratt Due Musikkinstitutt i Oslo
Kristin Okerlund, pianist og vocal coach frå Wiener Staatsoper
Hans-Otto Ehrström, pianist og vocal coach frå Wiener Staatsoper

Regissør:
Ivar Tindberg, regissør, tekstforfattar, dramaturg og komponist

Orkesterpedagogar/Gruppeleiarar:
1. fiolin: Maxim Brilinsky, gruppeleiar 1. fiolin, Wiener Philharmoniker
2. fiolin: Miriam Bergset, fiolinist i Ensemble Allegria, og elles frilans musikar
Bratsj: James Opie, alt. gruppeleiar bratsj, Kungliga Hovkapellet (Operan) i Stockholm
Cello: Kati Raitinen, solocellist, Kungliga Hovkapellet (Operan) i Stockholm
Kontrabass: Patrick Wilder, alt. solokontrabassist i Operaorkesteret, DNO&B
Treblås:
Karl-Heinz Schütz, solofløytist Wiener Philharmoniker
Steffen Blindheim, solo engelsk horn og oboist i Malmö SymfoniOrkester
Messing: Rune Brodahl, solohornist i Operaorkesteret, DNO&B

Les meir om akademiet her

Les meir om Maxim Brilinsky her

Søknadsfrist er 29. januar2023

Siste nyheter

Tmp f4ff7852 a148 4c35 851b 0985d0b5329f

Opera-pasjen på skuletur

Pasjen har med seg gull og perler når han er ute på førjulstur i lag med dei to operapedagogane Stian og Martina

WEB Eivind Finn Solveig

Ta et operatisk dypdykk med Finn, Solveig og Eivind!

Sopranen Solveig Kringlebotn har sunget den kvinnelige hovedrollen i De dødes by ved store operahus i Europa. Her deler hun sin erfaring i samtale med Finn Tokvam og Eivind Gullberg Jensen, hvor de også diskuterer operaens filmmusikalske likheter – og mye mer. Sett på kaffen!

Hedvig Haugerud og Eivind Gullberg Jensen

Møt Hedvig Haugerud - ung sopran og understudy

Hvordan er det å være understudy til den kvinnelige hovedrollen Marietta? Hør Hedvig Haugerud fortelle mer om "drømmerollen" i De dødes by og synge den vakreste av ariene i operaen, Mariettas Lied.

Die tote Stadt

Kva skjer i De dødes by?

Gjer deg klar til eit trekantdrama utanom det vanlege! Den forelska og forvirra Paul står midt mellom to kvinner som ser heilt identiske ut: Den eine er hans avdøde kone Marie, den andre er den livsglade dansaren Marietta.

Robin hood nhb

Frå Robin Hood til Jascha Heifetz

Som opptakt til norgespremieren på operaen De dødes by, kan du no bli litt betre kjend med musikken til Oscar-vinnaren Erich Wolfgang Korngold. Her er seks gylne eksempel, også frå Hollywood.