Hopp til innhold

Beate og Bror Magnus: Kveldens heitaste par

Sist dei møttest på scenen i Grieghallen var dei farlege fiendar. No er dei to kveldens heitaste par, som Valencienne og Camille i Den glade enke 2.0.

Her var det høyt nivå over hele linja, selv om Beate Mordal (Valencienne) og Bror Magnus Tødenes (Camille) utmerket seg med vakker klang og smektende frasering. (Eystein Sandvik i NRK)

Det er fleire romantiske forviklingar i vårens operette, ikkje minst mellom Den glade enke sjølv og gamlekjærasten Danilo – men ingen andre får lov til å vise forelskinga så eksplisitt som sopranen Beate og tenoren Bror Magnus.

HEMMELEG ROMANSE
Beate frå Molde og Bror Magnus frå Eiksund på Sunnmøre kastar seg ut i varmblodige scener både på teatersjefens kontor og i grisefjøset. Beate har rolla som koreografen Valencienne, som er gift med den korrupte teatersjefen Zeta (Eirik del Barco Soleglad), men i eit veldig hemmeleg forhold med den unge filmregissøren Camille, tolka av Bror Magnus. Og innimellom kyssinga syng dei to sødmefylt om kjærleik og lengsel.

Bror Magnus Tødenes viser seg som den ideelle operettetenor i rollen som Camille. Han er sympatisk på scenen og synger med en uimotståelig varme. Beate Mordals Valencienne er også strålende med god komisk timing og tekstformidling, spesielt i scenene med Eirik del Barco Soleglads utspekulert-tåpelige Zeta. (Aksel Dalmo Tollåli i Aftenposten)

Men romansen er berre for publikums skuld, og innøvde roller mellom proffe kollegaer. For begge er gifte på kvar sin kant, og Beate endåtil rykande fersk brud i år.

KORONATID-OPERA MED 2 METER AVSTAND
Kontrasten kan heller knapt vere større til sist desse to møttest hos Bergen Nasjonale Opera for akkurat eitt år sidan: Då førte korona-krisa til at Mozarts La clemenza di Tito vart strippa ned til minimalistisk og smittevern-forsvarleg scenografi. Heile koret var forvist til eit rom med mikrofonar i kjellaren, og på sjølve scenen kunne berre solistane stå – med minst 2 meter avstand til kvarandre.

I Den glade enke 2.0 virvlar alle aktørane i tett og lystig dans på scenen, og publikum fyller så å seie alle dei rundt 1500 seta i Griegsalen kvar kveld. Det er nesten uverkeleg å tenkje tilbake til La clemenza di Tito i mars i fjor, då maks. 100 sjeler fekk sleppe inn pga korona-restriksjonane.

Bror Magnus spelte tittelrolla som keisar Tito, og Beate var den rasande og manipulerande konkurrenten Vitellia, som prøver å få Tito myrda – slik at ho kan overta makta. Men i sluttscenen viser Tito storsinn og nåde (clemenza), og tilgir den angrande Vitellia.

LCDT2 1500x1000 nett

Denne produksjonen med Bror Magnus og Beate i to av hovudrollene hausta mange lovord, og vart også kåra til «Årets koronatilpassede kulturopplevelse» i 2021 av Bergens Tidende. Heile live-opptaket av La clemenza di Tito kan du framleis sjå her.

FLEIRE ROLLER I BERGEN
Bror Magnus og Beate har også spelt krevjande roller kvar for seg her i Bergen: Bror Magnus var både Styrmannen i Den flyvende hollender, og einaste songsolist i Berlioz Grand messe des morts våren 2018. Beate song rolla som Micaela i kammerversjonen av Carmen på Vestlandsturnéen vår, før ho vart Artist-in-Residence, og deretter også song og spelte journalisten Mina i filmversjonen av Carmen, som vart vist på NRK Hovedscenen.

Den flyvende hollender
Beate Mordal i Carmen

NESTE: NARRABOTH OG EILEEN
Etter teppefall for Den glade enke fredag 1. april er det ikkje så lenge til Bror Magnus Tødenes kjem tilbake til Bergen, då som Narraboth i den dramatiske operaen Salome av Richard Strauss, i konsertversjon under Festspillene i Bergen.

Beate Mordal er også snart klar for ei ny rolle: I haust husdebuterer ho ved Den Norske Opera & Ballett i Oslo, som Eileen i Broadway-musikalen Wonderful Town av Leonard Bernstein.

Alle foto: Monika Kolstad (BNO)

Siste nyheter

Storm

En stormende tragedie

I Katja Kabanova rives vi med fra første stund. Tekst og musikk er pakket sammen som om det gjaldt livet - og det gjør det. Janáček viser oss opera på sitt beste når han bretter ut sin musikalske rikdom over et heftig drama om ung kjærlighet.

Katja Kabanova

Kva skjer i Katja Kabanova?

Katja drøymer om å vere fri som fuglen. Men ho er fanga i eit ulukkeleg ekteskap, og med ei brutal svigermor som kontrollerer både henne og ektemannen. Så kva gjer ho når den sjarmerande Boris dukkar opp? Her er handlinga i Janáčeks opera, som har premiere hausten 2023.

Stillbilde Leif Ove Andsnes og Eivind 10

Dilla på Dvořák

Har du eit favorittstykke av Dvořák? Eller kjenner du ingenting av han, meiner du? Bli med til Tsjekkia og USA – og på måneferd med Neil Armstrong – i dette utvalet med seks av hans klassiske hits utanom Rusalka.

Leif Ove Andsnes og Eivind Gullberg Jensen

- Melodiene er fantastiske

- Dvořák har det samme talentet som de store operakomponistene Mozart og Verdi, sier pianist Leif Ove Andsnes. Her hører du han spille utdrag fra Rusalka.

Leif Ove Andsnes og Eivind Gullberg Jensen

"Det er trylleri!" - Leif Ove Andsnes

Bli med hjem til Leif Ove Andsnes og et dypdykk i musikken til Rusalka, med musikalske smakebiter fra både operaen og andre kjente mesterverk underveis!

La Fura dels Baus

Fra OL i Barcelona til Rusalka i Bergen

La Fura dels Baus har over 40 års erfaring fra produksjoner som inkluderer åpningsseremonien til OL i Barcelona (bildet), majestetiske operaer og store konserter.