Alma Kraggerud

– Musikk skal fortelle med hjertet, ikke være så riktig og perfekt, sa Alma Kraggerud då ho vart intervjua av NRK radio i januar 2024.

Alma Serafin Kraggerud (f. oktober 2006) byrja å spele fiolin hos Sigyn Fossnes som 5-åring. Ho debuterte som solist med orkester då ho var 9 år, med Kringkastingsorkesteret (KORK) for dei kongelege familiane i Noreg, Sverige og Danmark. Sidan den gongen har ho vore solist tre gonger med dette orkesteret.

Ho var tidlegare elev ved Unge Talenter-programmet på Barratt Dues Musikkinstitutt, og studerer no ved Norges Musikkhøgskole hos Peter Herresthal.

Andre orkester ho har vore solist med er blant andre Stavanger Symfoniorkester, Trondheim Symfoniorkester, Arktisk Filharmoni, Wroclaw Filharmoniske Orkester, Montpellier Opera National, Kristiansand Symfoniorkester, Originalklang Orkester L'arpa festante München, Helsingborg Symfoniorkester, og Deutsche Kammerakademie Neuss.

Ho har spelt på Oslo Kammermusikkfestival, Stavanger Kammermusikkfestival, Vendsyssel Festival, Hellerup Kammermusikforening, Halvorsens Musikkfest, Murten Classics og mange andre festivalar i Noreg og i utlandet. Under Festspillene i Bergen i 2023 heldt ho ein konsert i storstova til Harald Sæverud på Siljustøl.

Som 15-åring vart ho tildelt både den norske Solistprisen og Publikumsprisen då ho vann konkurransen VIRTUOS i 2022, og fekk då også representere Noreg på den internasjonale finalen (Eurovision Young Musician) i Montpellier i Frankrike, der ho fekk 3. pris. Ho har også motatt Øivind Berghs Minnepris 2022 og fleire andre prisar.

Saman med brørne sine Hector (piano) og Franz (cello) urframførte ho faren Henning Kraggeruds verk Tales from the Enchanted Forest med orkester sommaren 2022.

Ho er også blitt tildelt Ånun Lund Rejs pris for kreativiteten som komponist og musikar. Denne prisen har som mål å fremje kvinnelege komponistar. Og den svenske foreningen Kvast, som arbeider for promotering av kvinnelege komponister, valde å inkludere Alma Kraggerud etter at hennar duo "Laments Music" vart sett meir enn 100 000 gonger på sosiale medium.

Hennar eigen komposisjon "The Untold Myth", eit verk for fullt orkester, vart framført av Oslo-Filharmonien i 2022. Hun har også samarbeidd med Oslo-Filharmonien i ein film om Alfred Nobel og fredsprisvinnarne.

I juni 2024 var ho solist saman med Guro Kleven Hagen og Ragnhild Hemsing og Kristiansand Symfoniorkester på opningskonserten av Kammermusikkfestivalen i Valdres, og november same år var ho invitert til Kristiansand Symfoniorkester for å spille tre konserter saman med dei. I august det same året spelte ho Beethovens fiolinkonsert med sin eigen kadens i Bodø under feiringa av Europeisk Kulturhovudstad 2024, på avslutningskonserten av Nordland Musikkfestuke.

I januar i år (2025) fekk ho årets stipend frå Eilif og datter Besse Gunstrøms minnelegat, som er eit stipend for unge, lovande fiolinistar under 30 år. I februar spelte ho ved Arctic Chamber Music Festival der ho m.a. var solist med Arktisk Filharmoni.

28. februar spelte ho i Universitetsaulaen i Bergen saman med pianisten Sebastian Egebakken Svenøy, som dei første utøvarane i nye Debutserien i Aulaseriene, der dei spelte både i Oslo og på Ramme i Vestby, før dei avrunda i Bergen. Eit av instrumenta hennar er ein Stradivarius med namnet “ex-Karl Klingler” (Cremona 1720), på generøst utlån av Anders Sveaas’ Almennyttige Fond.

Som felespelar i verdspremieren på operaen Asle og Alida skal ho vere solist på scenen både i Bergen og på Det Kongelige Teater i København. Den musikalske rolla som felespelar er lagt til av komponisten Bent Sørensen.

Oppdatert mars 2025
Fotograf: Sveinung Hoel Bjorå