Hopp til innhold

Godt nytt operaår!

Godt nytt operaår!

Eg er heilt sikker på at 2024 kjem til å bli eit godt år for opera i Bergen!

Sjølv feira eg overgangen til det nye året i Wien i lag med familien i samband med at kona mi, Mari Eriksmoen, song med Wiensymfonikarane. Nyttårsaftan var me hjå vår gode ven og dirigentkollega Sascha Goetzel. Ved sidan av hyggeleg feiring, nytta me tida til å planleggja sumarakademiet Opera ved fjorden, som finn stad den siste veka i juni, med både torsdagskonsert og storslagen Wagner-avslutning sundag 30. juni på Oseana.

I Wien møtte eg også Alfred Eschwé, dirigenten for Flaggermusen – som er vårens store operaeventyr i Grieghallen. Me nytta høvet til eit hyggjeleg musikalsk arbeidsmøte. Og så dukka også manusforfattar Adam Price opp i Wien og presenterte alle sine ville idear om korleis me fornyar det 150 år gamle meisterverket. Eschwé var med på notane, så denne framsyninga vert ei musikalsk latterbombe av dimensjonar. Seriøse undertonar, som all god humor har, bidreg til at alt heng i hop og endar godt.

Og når me er inne på Wien og nyttårsfeiring: Eg var ikkje til stades på sjølve nyttårskonserten, men heile byen sydar (!) av wienervals, og folk går rundt og nynnar på mellom anna musikken til Johann Strauss d.y. – ikkje minst ouverturen til Flaggermusen, som høyrer heime i kvar nyttårskonsert samstundes som den aller mest høyrer heime i akkurat Flaggermusen.

Utanom wienervals kan de i 2024 sjå fram til fine onsdagskveldar med OperaPub på Kulturhuset. Gå inn på nettsidene våre eller følg med i sosiale medium for tidspunkt.

Under årets Festspill i mai vil me dessutan vidareføra fjorårets nyvinning Operaopptur i samarbeid med GC Rieber Fondene og Fløibanen. Til hausten lovar me òg ei stor operaoppleving i Grieghallen – då skal me ha ein Noregspremiere. Den kjem me tilbake til saman med dei andre aktivitetane me vil ha i haust – mellom anna ei juleframsyning.

Men aller først no er det Flaggermusen som gjeld.

Velkomne til eit godt nytt operaår!

Siste nyheter

Annika Beinnes ariekonsert Opera ved fjorden

Wagner-opera og favorittariar

På den storslåtte avslutningen av årets sommerakademi Opera ved fjorden byr vi på sangernes favorittarier og ikke minst høydepunkt fra Wagners Rhingullet!

Stilling ledig S Foto fra Flaggermusen av Magnus Skrede

Ledig stilling: Direktør

Bergen Nasjonale Opera søker etter direktør i fast 100 % stilling fra høsten 2024. Søknadsfrist 17. juni.

OVF23 Akademiorkesteret

«Verdensmestere» til Os

Sommerakademiet Opera ved fjorden har et stjernelag, som både studentene og publikum får nyte godt av.

Henning Larsen Grieg Hallen Grieghallen Round2 Copyrights by KVANT 1

Slik vil Griegkvartalet se ut

- Med vinnerprosjektet Kontrapunkt vil Griegkvartalet fremstå med en arkitektonisk utforming og funksjonalitet, som vil vitalisere Bergen og tilføre byen noe helt nytt, forteller juryleder Anne-Grete Strøm-Erichsen.