Jubel for statsbudsjettet
For første gong på 11 år får Bergen Nasjonale Opera ein reell auke i statsbudsjettet.
Budsjettet gir ein reell auke på 3 MNOK utover den generelle KPI-justeringa som ligg i budsjettforslaget.
- Me i BNO er så glade for at Kulturdepartementet med kulturminister Lubna Jaffery i spissen har valt å løfta oss 3 MNOK, og at løyvingane frå staten til operasatsinga på Vestlandet, for fyrste gong på 11 år, har byrja å røra på seg. Når statsråden samtidig har signalisert at dette er starten av ein trappeauke, er det grunn til stor optimisme, seier operasjef Eivind Gullberg Jensen og legg til:
- Dette ville me aldri oppnådd utan støtta me fekk frå Vestland fylkeskommune og Bergen kommune, og sjølv om me ikkje er heilt i mål, vonar me at Bergen kommune og Vestland fylkeskommune ser at lokal støtte er avgjerande – og me vonar dei vil oppretthalda det fine løftet dei gav oss i fjor.
