Eksklusivt møte med Rusalka for skuleelevar
Snart legg våre to operapedagogar Martina og Stian ut på turné til skular i Bergen for å guide elevane i opera generelt – og Rusalka spesielt! (Oppdatering: Kursa er no fullbooka)
Frå 20. februar reiser dei to songarane og operapedagogane Martina Starr-Lassen og Stian Økland (også rockegitarist), ut til 7.-10. trinn i Bergen kommune for å la elevane lære meir om opera generelt – og Rusalka spesielt.
Deretter får skuleelevane, som dei aller første i Bergen, oppleve heile forestillinga på generalprøven i Grieghallen torsdag 16. mars, altså like før premieren. For deg som er lærar i Bergen kommune, eller gjerne vil tipse nokon om dette unike opera-tilbodet for skulelevane: Her er lenke til meir informasjon og påmelding for operakurs med Rusalka i veke 8 og 10
Oppdatering: Kursa for Rusalka er no fullbooka. Desse tolv skulane skal vere med:
Storetveit skole (Paradis), Hjellestad skole (Ytrebygda), Nattland oppveksttun (Fana), Steinerskolen på Skjold (Fana), Haukås skole (Breistein i Åsane), Olsvik skole (Laksevåg), Åstveit skole (Tertnes i Åsane), Garnes ungdomsskule (Indre Arna), St. Paul skole og Møhlenpris oppveksttun (Bergen sentrum), Lynghaug skole (Fyllingsdalen) og Breimyra skole (Flaktveit i Åsane).
Foto: Operapedagogane Stian Økland (alias Papageno) og Martina Starr-Lassen (alias Pamina) på skulebesøk med Tryllefløyten hausten 2022
