Hopp til innhold

Opera for framtida

Det har vore, og er på mange måtar framleis, pandemi - og kulturlivet og ungdomen har vore særskilt råka. Difor var det ekstra rørande og gledeleg at mitt aller fyrste prosjekt som operasjef i Bergen vart eit akademi for unge elitetalent, operaens framtid.

O P E R A for framtida: Sommarakademiet Opera ved fjorden - Bergen Nasjonale Operas «signaturprosjekt». Det har vore, og er på mange måtar framleis, pandemi - kulturlivet og ungdomen har vore særskilt råka. Difor var det ekstra rørande og gledeleg at mitt aller fyrste prosjekt som operasjef i Bergen vart eit akademi for unge elitetalent, operaens framtid. At dette skulle verta Noregs fyrste operaakademi for vokal og orkester, var fyrste del av planen - deretter utvikla ideen seg vidare.

Akademi 2021 Konsert Foto av BNO 70

Mitt venskap og kollegaskap til Sascha Goetzel har også vakse under pandemien, der me har sete i Wien og Bergen og undervisa unge dirigenter saman via Dirigentløftet sine «webinar». Me har utvikla dette akademiet saman, og ynskjer å utvikla det vidare i åra som kjem. 10 unge songtalent, 15 unge instrumentaltalent og 2 dirigenttalent møtte oss i Os i midten av august, i strålande solskin - og i løpet av 6 dagar vart dei kyndig simultan-coacha av Solveig Kringlebotn, Kristin Okerlund (vocal coach Wiener Staatsoper), Sascha og underteikna, der alle aspekt ved ei opera-innstudering vart evaluert og utforska real time:)

Etter kvart kom orkestermusikarane, og studentane vart rettleia av erfarne operamusikarar og strålande rollemodellar frå Kungliga Operan i Stockholm, Den Norske Opera & Ballett, Bergen Filharmoniske Orkester, Malmö Symfoniorkester & Det Norske Kammerorkester. I tillegg til å få trening i «operalivet» som orkestermusikar, fekk dei 1-1 undervisning i orkesterutdrag, og dei som ynskja det fekk trena på å halda eit orkesterprøvespel for alle 10 lærarane, med konstruktive tilbakemeldingar frå «juryen».

Akademi Figaro Guro 1

At dei unge operasongarane vart glade for å få jobba med dirigentar og synga med orkester, mange for fyrste gong, var eg aldri i tvil om - difor var tilbakemeldingane frå dei unge orkestertalenta ekstra gledelege, at dei syntes det var så inspirerande og spanande å ta del i ei rask operainnstudering med tilhøyrande utfordring ift å lytta til scene, kvarandre etc. For dirigentane var dette også ein kjærkomen sjanse til å få jobba med orkester og vokal i saman, noko av det vakraste og mest krevjande ein kan gjera som dirigent. Neste sumar vonar me å kunna auka med minst éin disiplin, kanskje regi. På sikt ynskjer me å tilby coaching av alle disiplinar innan opera.

Det var veldig emosjonelt å sjå alle desse unge, flotte talenta utforska og boltra seg i verdas vakraste kunstform i sumar. Me vonar at dette skal verta BNO sitt signaturprosjekt i åra som kjem, og me søkjer allianse ikkje berre med Wiener Staatsoper, men også fleire andre nordiske institusjonar og operahus, slik som i år. Me fekk midler til dette i april, lysa ut akademiet i mai, og resten vart planlagt i løpet av sumaren. Stor takk til fleksibel stab i BNO, og til bl.a. Peter Herresthal og Per Gisle Haagenrud for hjelp med rekruttering av strykarar i sumar. Om me får midlar til å gjenta suksessen skal me auka planleggingshorisonten noko, kanskje utvida til 10 dagar, og eventuelt flytta akademiet til juni/juli. Ekstra takk til alle på veteranskipet M/S Sunnhordland - de gav akademiet ein ekstra intim og varm dimensjon. Kystkultur møter operakultur, ved og på fjorden.

Lunsj MS Sunnhordland

Det er val - politikarane er på tilbodssida - alle skrik etter meir pengar, eg og Bergen Nasjonale Opera inkludert. Då eg nyleg overtok operasjefsstillinga i Bergen var det eit sjokk å sjå kor lite pengar Noregs kulturby og by #2 får til opera frå Kulturdepartementet. Men difor ekstra gledeleg at mitt fyrste prosjekt som operasjef, ei storsatsing på ungdomen og operaens framtid, nesten i sin heilskap vart finansiert med privat stønad, bl.a. stor takk til Grieg Foundation og Dextra Musica. Dette vonar eg Abid Raja m.fl. får med seg - at viljen til å få til ting også utan statsstønad er stor, men at me til hovudsceneproduksjonane våre må få vesentleg mykje meir politisk hjelp, Bergens mesenar kan ikkje ta dette ansvaret åleina.

Eivind Gullberg Jensen
Operasjef

September 2021

Siste nyheter

Champagne Foto Magnus Skrede

Kultur - det som foreinar oss

I ei tid då polarisering er ei av dei største truslane i samfunnet, er eg 100% overtydd om at kunstens grenselause og foreinande kraft, er verdiar me ikkje har råd til å nedprioritera om me skal koma vidare med alle utfordringane i verda.

Flaggermusen Foto Magnus Skrede

6 på terningen fra BA!

Og 5 (av 5) stjerner fra Opera Now - les utdrag fra de flotte anmeldelsene av Flaggermusen her!

Ivi Karnezi Foto Magnus Skrede

Konkurrent til Nystemten?

Har byen fått ein konkurrent til sjølvaste Nystemten? Her er heile teksten til songen "Bergen, å Bergen!", som er ei av overraskingane på maskeballet i Flaggermusen.

Leif Ove Andsnes og Adrian Angelico på pianoet

Queen på Ulriken!

Leif Ove Andsnes og vår eksentriske milliardær, Karl-Maria Ulriken, har spilt inn en helt unik musikkvideo!

Flaggermusen 1934 Foto: Christian Bøbak / Teaterarkivet, Spesialsamlingene ved Universitetsbiblioteket i Bergen

- Flaggermusen er operettenes dronning

Gjennom Flaggermusens 150 år på scenen har den vært en av de mest populære forestillingene både i Bergen og Norge. Nå samarbeider Bergen Nasjonale Opera og Den Nationale Scene for første gang om en helt ny versjon av operetten.

FLAGGERMUSEN

Hva i all verden skjer i Flaggermusen?

I denne nye vrien på Flaggermusen er handlingen flyttet fra Wien på 1800-tallet til dagens Bergen og Oslo. Vi vil jo helst ikke røpe alle overraskelsene før du kommer til Grieghallen i mars, men her er likevel et lite innblikk for den nysgjerrige!