Sofia Adrian Jupither

Regissøren Sofia Adrian Jupither frå Sverige har eit langt og nært forhold til tekstene av Jon Fosse, etter at ho som 26-åring debuterte som regissør på Helsingborgs Stadsteater med hans skodespel Besøk.

Få år seinare (2005) sette ho opp urpremieren på hans Svevn på Nationaltheatret i Oslo, som ho året etter fekk Heddaprisen for i kategorien beste regi. "... en stor og magisk teateropplevelse med en rik menneskelig varme" skrev Ida Lou Larsen på Scenekunst om denne oppsetjinga.

I 2023 var ho regissør for Den stora skrivboken på Dramaten i Stockholm. Den stora skrivboken var basert på romanen Le Grand Cahier (Tvillingenes dagbok) av den ungarske forfattaren Ágota Kristóf, og deretter dramatisert som skodespel av Jon Fosse.

Jupither har også regissert ei lang rekkje operaer, som Salome (2014 og gjenopptakingar) ved Den Kungliga Operan i Stockholm, Die tote Stadt av Korngold ved Wermland Opera, Rigoletto av Verdi (2018/19 og gjenopptakingar) ved Den Kungliga Opera, og Tosca ved Malmö Opera 2019/20. Ved Den Finske Nasjonaloperaen hadde ho regi på Turandot av Puccini våren 2023.

Våren 2024 sette ho opp den store kjærleiksoperaen Tristan og Isolde av Richard Wagner på Det Kongelige Teater (DKT) i København. Og i februar i år (2025) hadde ho premiere på Ariadne auf Naxos av Richard Strauss med Nederlandse Reisopera.

Asle og Alida skal også visast på Det Kongelige Teater i København i hennar regi etter verdspremieren her i Bergen våren 2025.

Oppdatert februar 2025