Hopp til innhold

Opera ved fjorden - sommarakademi 2023

Er du ung songar? Søk her på sommarakademiet Opera ved fjorden 2023

Bergen Nasjonale Operas sommarakademi rettar seg mot unge songarar, orkestermusikarar, dirigentar og repetitørar som er under utdanning, eller som nyleg er ferdigutdanna. Du som deltar får arbeide med dyktige pedagogar, coachar, orkestermusikarar og dirigentar - alle med erfaring frå store operahus eller symfoniorkester i Norden og Austerrike.

I 2023 har akademiet plass til 14 songarar som får jobbe saman med regissør, vokalpedagogar, coachar og dirigentar. Kvar songar skal få innblikk i alle dei kunstnarlege fagområde eit operahus byr på. Kursperiode for songarane er 24. juni – 1. juli. (For orkestermusikarar 27. juni – 1. juli.)

DETALJAR OM AKADEMISTPLASSANE

  • 14 songarar
  • Aldersgrense: 18-32 år
  • I tillegg deltek 25 orkestermusikarar, 3 dirigentar og 2 repetitørar
  • Dagleg coaching og regiarbeid leia av dyktige operapedagogar
  • Samspel med repetitørar og dirigentar frå akademiet
  • Kvar songar får høve til å framføre ein arie med orkester
  • Kvar songar får ei rolle i enten 4. akt av La bohème (Puccini) eller i ein forkorta Flaggermusen (Strauss d.y.), som begge blir framførte scenisk på avslutningskonserten

    KUNSTNERISK LEIING
    Eivind Gullberg Jensen, operasjef for Bergen Nasjonale Opera og sjefdirigent for Noord Nederlands Orkest 

    Sascha Goetzel
    , kunstnerisk leiar for Orchestre National des Pays de la Loire og National Youth Orchestra of Canada, og første gjestedirigent for Sofia Filharmoniske Orkester

    VOKALPEDAGOGAR
    Solveig Kringlebotn, sopran og professor i song ved Operahøgskolen og Barratt Due Musikkinstitutt i Oslo
    Kristin Okerlund, pianist og vocal coach frå Wiener Staatsoper
    Hans-Otto Ehrström, pianist og vocal coach frå Finlands nasjonalopera i Helsinki

    REGISSØR
    Ivar Tindberg, regissør, tekstforfattar, dramaturg og komponist

    SLIK SØKJER DU

    • I søknadsskjemaet legg du lenker til opptak av to sjølvvalde ariar i forskjellige stilartar, pluss lenke til CV. Merk at vi berre vil ha klikkbare og ikkje passord-beskytta lenker
    • Her finn du søknadsskjemaet: https://forms.office.com/r/63LT9TATGS

      NYTT: stipend/scholarships:
      For dei som får tilbod om plass på årets akademi vil det vere muleg å søkje om økonomisk støtte i form av eit behovsprøvd stipend. Stipendet kan dekkje deler av eller heile kursavgifta – og/eller høge reisekostnader. Ikkje alle vil kunne få eit slikt stipend, men eit selektivt utval av årets akademistar. Praktisk informasjon om korleis ein kan søkje om eit slikt støtte-stipend vil kome samtidig med eventuelt tilbod om plass på akademiet.

      PRIS OG SØKNADSPROSESS

      • Deltakaravgift er kr 4 500,- (dele lugar)/kr 7 500 (åleine på lugar). Avgifta inkluderer all undervisning, overnatting i lugar om bord på M/S Sunnhordaland der det også blir servert tre daglege måltid. Merk at talet på enkeltlugarar er begrensa, så alle er ikkje garantert enkeltlugar.
      • Eit eige søknadsgebyr på kr 300,- må betalast samtidig med innlevering av søknaden via Vipps til Bergen Nasjonale Opera nr. 132655 eller PayPal (direkte lenke)
      • Søknadsfrist er 29. januar 2023 og søknadsgebyret må vere innbetalt
      • Uttak blir basert på innsendte opptak
      • Du får svar på søknaden din 1. mars 2023
      • Dersom du får tilbod om plass vil du få fleire opplysningar om det praktiske rundt akademiet

          Siste nyheter

          Vinn operakopp i nyhetsbrev

          Vinn unike kopper i nyhetsbrevet

          Vi starter opp igjen med konkurranse i nyhetsbrevet fra neste utgave, som kommer om to uker, der premien er helt unike operakopper.

          OVF 2022 Rehearsals 19

          Stipend for akademistar

          For dei som får tilbod om plass på årets akademi vil det vere muleg å søkje om økonomisk støtte i form av eit behovsprøvd stipend.

          Operapedagoger på skolebesøk

          Eksklusivt møte med Rusalka for skuleelevar

          Snart legg våre to operapedagogar Martina og Stian ut på turné til skular i Bergen for å guide elevane i opera generelt – og Rusalka spesielt! (Oppdatering: Kursa er no fullbooka)

          Nyttårstalen fra kongen 2023

          Rusalka i nyttårstalene

          Den neste operaforestillingen handler om kjærlighet – men også om identitet og om fellesskap, noe som var tema både hos kong Harald og statsminister Jonas Gahr Støre i nyttårstalene.