Opera ved fjorden - sommarakademi 2023

Bergen Nasjonale Operas sommarakademi rettar seg mot unge songarar, orkestermusikarar, dirigentar og repetitørar som er under utdanning, eller som nyleg er ferdigutdanna. Du som deltar får arbeide med dyktige pedagogar, coachar, orkestermusikarar og dirigentar - alle med erfaring frå store operahus eller symfoniorkester i Norden og Austerrike.

Kursperiode for songarar, dirigentar og repetitørar er 24. juni – 1. juli. (Kursperiode for orkesteret er 27. juni – 1. juli.)

DETALJAR OM AKADEMISTPLASSANE

• 3 dirigentar
• Alder for dirigentar: 18-35 år 
• I tillegg deltek 25 orkestermusikarar, 14 songarar og 2 repetitørar
• Som dirigentstudent får du jobbe tett med dirigentane frå den kunsteriske leiinga på både song- og orkesterprøver, og du får tilbod om å dirigere eigne stykke på konsert
• Hovudverka er 4. akt av La bohème (Puccini) og ein forkorta Flaggermusen (Strauss d.y.). I tillegg blir det ein eigen ariekonsert

KUNSTNERISK LEIING

Eivind Gullberg Jensen, operasjef for Bergen Nasjonale Opera og sjefdirigent for Noord Nederlands Orkest 

Sascha Goetzel, kunstnerisk leiar for Orchestre National des Pays de la Loire og National Youth Orchestra of Canada, og første gjestedirigent for Sofia Filharmoniske OrkesteR

VOKALPEDAGOGAR
Solveig Kringlebotn, sopran og professor i song ved Operahøgskolen og Barratt Due Musikkinstitutt i Oslo 
Kristin Okerlund, pianist og vocal coach frå Wiener Staatsoper 
Hans-Otto Ehrström, pianist og vocal coach frå Finlands nasjonalopera i Helsinki 

ORKESTERPEDAGOGAR/GRUPPELEIARAR
1. fiolin: Maxim Brilinsky, gruppeleiar 1. fiolin, Wiener Philharmoniker
2. fiolin: Miriam Bergset, fiolinist i Ensemble Allegria, og elles frilans musikar
Bratsj: James Opie, alt. gruppeleiar bratsj, Kungliga Hovkapellet (Operan) i Stockholm
Cello: Kati Raitinen, solocellist, Kungliga Hovkapellet (Operan) i Stockholm
Kontrabass: Patrick Wilder, alt. solokontrabassist i Operaorkesteret, DNO&B
Treblås
Karl-Heinz Schütz, solofløytist Wiener Philharmoniker
Steffen Blindheim, solo engelsk horn og oboist i Malmö SymfoniOrkester
Messing
Rune Brodahl, solohornist i Operaorkesteret, DNO&B

SLIK SØKJER DU

• Her finn du søknadsskjemaet: https://forms.office.com/r/QnraFZrksA
• I søknadsskjemaet legg du lenker til 1-2 videoopptak med deg sjølv, pluss lenke til CV. 

STIPEND/SCHOLARSHIP
For dei som får tilbod om plass på årets akademi vil det vere muleg å søkje om økonomisk støtte i form av eit behovsprøvd stipend. Stipendet kan dekkje deler av eller heile kursavgifta – og/eller høge reisekostnader. Ikkje alle vil kunne få eit slikt stipend, men eit selektivt utval av årets akademistar.

PRIS OG SØKNADSPROSESS

• Deltakaravgift: kr 5000 (dele lugar)/kr 8000 (åleine på lugar) som inkluderer all undervisning og overnatting ombord på M/S Sunnhordaland der det også blir servert tre daglege måltid. Merk at talet på enkeltlugarar er begrensa, så alle er ikkje garantert enkeltlugar.
• Eit eige søknadsgebyr på kr 300,- må betalast samtidig med innlevering av søknaden via Vipps til Bergen Nasjonale Opera nr. 132655 eller PayPal (direkte lenke)
• Søknadsfrist er 29. januar 2023 og søknadsgebyret må vere innbetalt
• Uttak blir basert på innsendte opptak
• Du får svar på søknaden din 1. mars 2023
• Dersom du får tilbod om plass vil du få fleire opplysningar om det praktiske rundt akademiet